三家村水產．鯉魚門浜燒專門店（已結業）
- 作者 MrMrsFoodHK
- 發佈於 人氣食店
【特色餐廳】【鯉魚門美食】
三家村水產：浜燒係日本沿海居民的飲食文化，會將捕獲海產在碼頭即燒即食，香港鯉魚門最近都開了一家主打浜燒嘅日本料理 - 三家村水產 Sankason Suisan。三家村水產佔地三千多呎，每日供應多款由日本、本灣等各地引入的新鮮海產，以最原始方法浜燒烹調。三家村水產裝潢方面十分有特色，甚有日式風味，令人想起傳統的日本浜燒店。
更多最新「人氣食店」文章：
» 玩具屋．猶如置身日本的居酒屋｜天后日本餐廳
» 夏銘記．老字號世一手打魚蛋｜佐敦美食
» Tartes & Pop．精緻法式撻｜上環美食
» 鮨燐．傳統關東江戶前Omakase｜上環Omakase
» Samsen 泰館．上環人氣米芝蓮泰國菜｜上環美食
三家村水產因為位於碼頭，黃昏時候前往，更有機會一邊用餐，一邊睇到海景、日落景色。餐廳位置闊落，近門口位置可以見到擺放魚缸同冰櫃，擺放新鮮海產，菲律賓石蟹、花金鼓、池魚、日本生蠔、花竹蝦、各款貝殼類等，客人可以親自去揀選，明碼實價，食得放心。裝潢方面花過唔少心思，用上木、竹等元素，具日式風味。人多嘅可以考慮預訂房間，更近海邊，不過我地就冇問及房間最低收費。
三家村水產餐牌供應沙律、前菜、時令海產、刺身、壽司、丼飯、烏冬、燒物、炸物、甜品等，定價中上。
海膽鮮甜冇腥味，口感綿滑，夾埋脆口紫菜，連平時唔好海膽嘅我都食唔停口。
帆立貝、油甘魚柔軟鮮味，基本上對呢八款刺身嘅新鮮度無需懷疑。
今晚於三家村水產進餐，甚有風味，正宗嘅浜燒都係第一次食，除左刺身、海鮮新鮮不在話下，但全晚令我印象最深刻嘅卻係燒油甘魚骹，十分回味，值得試試。
三家村水產餐牌供應沙律、前菜、時令海產、刺身、壽司、丼飯、烏冬、燒物、炸物、甜品等，定價中上。
季節刺身特上選拼盤 $888/8種
由師傅揀選當日新鮮嘅海產砌成賣相極吸引嘅刺身拼盤，有拖羅、金槍、油甘魚、海膽、帆立貝、章紅魚、金目鯛等。海膽鮮甜冇腥味，口感綿滑，夾埋脆口紫菜，連平時唔好海膽嘅我都食唔停口。
帆立貝、油甘魚柔軟鮮味，基本上對呢八款刺身嘅新鮮度無需懷疑。
海膽軍艦 $70/件、香蔥吞拿魚腩軍艦 $45/件、蟹籽軍艦 $35/件、黃金魷魚軍艦 $35/件
三家村水產這款吞魚腩好滑溜，入口即溶；海膽味道濃厚；蟹籽、黃金魷魚軍艦屬正常水平，份量大方，只係定價略高。壽司飯口感煙韌，但紫菜唔夠香脆，略腍。
天婦羅海老卷 $160
一共四件，壽司飯比較大件，海老爽口，加上芝麻同沙律醬，係好食，但個人認為其他食物會比較划算。 浜燒
我地點左生蠔、中蝦、帆立貝、馬刀貝幾款淺嚐。 生蠔 $40/隻
日本生蠔都幾大隻，蠔身燒到脹卜卜，軟滑多汁，鐘意食蠔嘅朋友不能錯過，定價合理。 中蝦 $168/4隻
同樣地，蝦嘅size都唔細，肉質爽口，頗有水準。 帆立貝 $98/隻
帆立貝好大隻，剪開燒會比較易熟啲，為免帆立貝太乾身，一邊燒一邊可以加入木魚水。即時剪開左，每份依然係好大隻，一口放入，口感豐滿，貝身軟腍，不過就冇想像中鮮味，相對之下，生蠔更加抵食。 馬刀貝 $118/4隻
唔係太大隻，肉質爽口，不過性價比唔高。 燒油甘魚骹 $120
雖然平時唔係好鐘意食魚頭、魚骹，但十分推介呢款油甘骹，簡單鹽燒已經好香，魚骹冇細骨，而且魚肉好嫩滑，魚油豐富，完全唔乾。一行四人都好喜歡，淨係食剩啲骨。 清酒蝴蝶蚌 $188/8隻
蝴蝶蚌感覺比平時食到嘅再大隻啲，粒粒脹卜卜，肉厚多汁，乾淨冇沙，加上淡淡清酒味，更顯鮮甜。
炸白飯魚乾 $48
入口脆身，薄薄一片，又香口。 岩鹽枝豆 $45
今晚於三家村水產進餐，甚有風味，正宗嘅浜燒都係第一次食，除左刺身、海鮮新鮮不在話下，但全晚令我印象最深刻嘅卻係燒油甘魚骹，十分回味，值得試試。
最後修改於 7月5日,2023
立即 FOLLOW @GetReadyHongKong，緊貼全港郊遊玩樂、品味生活、人氣美食資訊！
Facebook @GetReadyHongKong
Instagram @GetReadyHongKong
廣告查詢：Advertising @ GetReadyHK.com
傳媒聯絡：Press @ GetReadyHK.com
Facebook @GetReadyHongKong
Instagram @GetReadyHongKong
廣告查詢：Advertising @ GetReadyHK.com
傳媒聯絡：Press @ GetReadyHK.com
三家村水產．鯉魚門浜燒專門店（已結業）
查看地圖
- 地址: 油塘鯉魚門崇信街三家村渡輪碼頭東翼
-
開放時間: 星期一休息
星期二至五 下午3時至晚上11時
星期六至日 中午12時至晚上11時
- 電話號碼: 2660 8798
- 網址: 三家村水產網站
Life is short; Enjoy it !
唔是食家 超唔專業 只係鐘意食
Eat || Travel || Share
Instagram: https://www.instagram.com/mr_mrs.food
Facebook: https://www.facebook.com/pg/mrmrsfoodhk
Blog: https://www.pixnet.net/blog/profile/ywycarol
三家村水產．鯉魚門浜燒專門店（已結業）
交通、位置、地圖及鄰近好去處
相關文章
Goobne Chicken 銅鑼灣店．靚景食烤雞｜銅鑼灣炸雞店
Goobne Chicken是香港數一數二的人氣烤雞店，烤雞不經油炸，外層薄而香脆，雞肉嫩滑而不油膩而大受歡迎。因此Goobne Chicken在短短時間內在香港開設多間分店。其中Goobne Chicken銅鑼灣店位於登龍街，位處高層，在晴朗天氣下，日落、都市夜景盡收眼底，一邊吃烤雞一邊歎美景確是件賞心樂事！
尚善．食住做善事的上環日本料理
尚善日本料理(尚善和式料理)位於上環，味道及賣相都非常好，但同時價錢亦有點嚇親人。但原來尚善日本料理是一間社會企業，在扣除成本後，所有收益都會捐助有語言障礙的兒童。算你啦，有好嘢食，又可以做善事，感覺良好!