鮮芋仙．深圳遊

8月12日,2017
作者 MrMrsFoodHK
發佈於深圳好去處．深圳一日遊

(9 票)

【深圳好去處】【深圳美食】鮮芋仙是一間來自台灣嘅連鎖甜品店，早在2007年由兩個來自台中豐原的人成立。鮮芋仙主要是出品芋圓、仙草、豆花等甜品，強調不添加防腐劑。鮮芋仙在台灣、日本、韓國，甚至歐州都有分店，現時在中國各地如上海、天津、北京等有超過3百家分店，人氣強勁。鮮芋仙即使分店多，亦不忘保持品質，難怪成為大受歡迎的甜品品牌。

更多最新「深圳好去處．深圳一日遊」文章： » 深圳仙湖植物園．文青必到的城中綠洲 » 深圳南山區打卡遊 ∙ 有花有海有咖啡的假日 » 深圳灣萬象城．萬象城與萬象天地的結合體 » 廣州融創雪世界．新開幕室內滑雪場攻略 » J2 Coffee．蓮花北平淡如生活的咖啡店

鮮芋仙深圳東門分店位置闊落，位於商場入面，乾淨企理。平日晚上客人唔多，店面頗大，乾淨企理。甜品選擇豐富，有芋圓、仙草系列、豆花、布丁、冰品、紫米粥等，定價合理。客人先喺收銀處點單，牌子振動後自己取餐。

鮮芋仙招牌RMB¥22、仙草4號RMB¥25

鮮芋仙招牌包括仙草凍、仙草冰沙、芋圓，仙草味道香濃，帶點清幽，完全唔係涼粉嘅死甜。口感超滑溜，可按個人喜好再加入鮮奶油。我呢碗芋圓有10粒，地瓜圓5粒，芋圓味道唔係好突出，但口感Q彈，有韌性，唔會死實實。

而仙草4號嘅配料依然係芋頭、紅豆、珍珠，我地就將珍珠換成翡翠粉粿，份量多又好食。

芋圓4號RMB¥20

鮮芋仙的芋圓系列同仙草系列相同號數配料係一樣，只係一個冰底，一個仙草底。共有5款，分別在配料，有綠豆/粉粿/紅豆/珍珠/花生/薏仁/地瓜/花豆等，定價相同，甜品一律可以加錢要其他配料。

以碎冰墊底，加左黑糖漿，唔會太甜，清爽。有芋頭、紅豆、珍珠，份量多，抵食！芋頭鬆軟，不至於太粉，珍珠好彈牙，呢份如果能夠加仙草就perfect喇。

鮮芋仙

芋圓4號加雪糕RMB¥25

發現4號最啱我口味，因為第二次惠顧揀嘅依然係4號。有芋頭、紅豆、珍珠，不過剛好遇上珍珠已經賣哂，所以店員提議我地轉換其他款式配料。

由於佢地嘅芋圓質素不俗，所以我地換成小芋圓，加上天氣熱，再外加一球雪糕。芋圓雖然味道唔突出，但口感Q彈實在帶韌性，芋頭粉糯，刨冰粗糙，配上甜度適中嘅黑糖漿，消暑一流。

鮮芋仙

招牌杏仁燒RMB¥22 (+¥3芋圓)

杏仁燒有湯圓、紅豆、粉粿、珍珠、杏仁角，我們再加左芋圓，賣相唔係太吸引，因為配料都被芋圓覆蓋。不過杏仁好香滑，配料都好食，特別係粉粿，爽口！當然相對招牌仙草、芋圓較失色。

想喺香港搵到啱口味嘅芋圓、仙草唔容易，因為我地比較怕甜膩，吃過鮮芋仙以後念念不忘，每次去深圳玩都會再食！折成港幣，可能喺香港都食到一個唔錯嘅甜品，不過鮮芋仙嘅份量頗多，性價比高。最重要是符合我們口味，唔會過甜，幾時開黎香港肯定排長龍。

最後修改於 8月22日,2017

立即 FOLLOW @GetReadyHongKong，緊貼全港郊遊玩樂、品味生活、人氣美食資訊！
Facebook @GetReadyHongKong
Instagram @GetReadyHongKong
廣告查詢：Advertising @ GetReadyHK.com
傳媒聯絡：Press @ GetReadyHK.com

鮮芋仙．深圳遊

查看地圖

地址: 深圳東門茂業百貨B1樓B22鋪
網址: 鮮芋仙台灣官方網站