茶私蜜．深圳遊

7月29日,2017
作者 MrMrsFoodHK
發佈於深圳好去處．深圳一日遊

(2 票)

【深圳好去處】茶私蜜Chasing Me位於深圳保利文化廣場，是間新開張的甜品店。深圳海岸城附近接連有幾個商場，包括保利文化廣場、OKmall等，主要以食店為主，而且種類多元化。據說茶私蜜老闆娘曾在海外留學，所以小店驟眼睇亦唔似國內食肆，店內的更一幅非常吸睛的花牆！未知是否因為茶私蜜定價相對附近食店高，暫時人流不算多，但以其裝潢氛圍，要成為打卡熱點都唔難。

更多最新「深圳好去處．深圳一日遊」文章： » 深圳仙湖植物園．文青必到的城中綠洲 » 深圳南山區打卡遊 ∙ 有花有海有咖啡的假日 » 深圳灣萬象城．萬象城與萬象天地的結合體 » 廣州融創雪世界．新開幕室內滑雪場攻略 » J2 Coffee．蓮花北平淡如生活的咖啡店

MrMrsFoodhk今次就在茶私蜜試左以下食物：

本來今次深圳一日遊並冇安排到訪此甜品店，但剛巧走到門口，見到茶私蜜咁有少女味嘅裝潢，相信好多女士都不能抗拒，加上勢似要落大雨，我地順便歇一歇避避雨。

茶私蜜空間其實唔大，約十多個位置，但因為剛開業，客人不算多，影相一流。裝潢簡單，帶英式甜品店風格，門口位置一幅小花牆，不落俗套，正是吸引我入黎嘅原因。

花牆、吊燈、布椅、雲石枱面，假花裝飾，佈置有心思。

茶私蜜主要供應甜品，以蛋糕類為主，例如抹茶凍蛋糕卷、檸檬撻、玫瑰鮮花戚風、芒果抹茶慕絲等，定價 RMB¥28-36。飲品方面有紅茶、烏龍茶、綠茶，可選杯裝或壺裝，亦有數款梳打、水果茶飲品，定價 RMB¥28-52，價格都算唔平，但碰巧有試業優惠，打個八折，個人認為行到攰入黎坐下影下相食件cake都還可以。

茶私蜜店內設有餅房，客人可以直接望到入面，乾淨衛生。

玫瑰香草紅茶 RMB¥52

小店所用嘅餐具好雅緻，基本上全套連貫。店員推薦佢地嘅玫瑰茶，用嘅係自家茶包，玫瑰味道唔會太假，以紅茶味更濃烈，中規中矩，可惜價格較高。

桃子伯爵慕絲 RMB¥28

茶私蜜強調甜品來源於法國MOF大師原配方重組改造而成，不過國內嘅野，信則是，不信則不是，我就冇去深究。甜品賣相唔錯，層次感豐富，有忌廉、慕絲、蛋糕。粉色部分都係慕絲，質地較濕軟，我都係影左張相就開吃，以免蛋糕塌落黎。

慕絲質地比較粗糙，奶油忌廉夠滑，桃子味道較突出，伯爵茶味無影無蹤，可惜同大部分國內甜品一樣，整體偏甜，普普通通。

茶私蜜嘅環境以國內食店黎計，我地會俾十分，甜品方面我地只係試左一件，普普通通，未見驚喜。但如果黎到海岸城附近，姊妹們想食個tea、影下相，都係個唔錯嘅地方。

最後修改於 3月22日,2019

立即 FOLLOW @GetReadyHongKong，緊貼全港郊遊玩樂、品味生活、人氣美食資訊！
Facebook @GetReadyHongKong
Instagram @GetReadyHongKong
廣告查詢：Advertising @ GetReadyHK.com
傳媒聯絡：Press @ GetReadyHK.com

茶私蜜．深圳遊

查看地圖

地址: 深圳保利文化廣場A區 2-19號
交通資訊: 如果從深圳灣口岸出發，可以坐M299號巴士到海岸城站，其他口岸可選搭地鐵，於后海站出口較近。
電話號碼: +86 13302938339

茶私蜜．深圳遊

玫瑰香草紅茶 RMB¥52

桃子伯爵慕絲 RMB¥28

MrMrsFoodHK

奈雪の茶．深圳遊

鮮芋仙．深圳遊