• 主題
    戶外 / 室內
    同邊個去?
    • 主題
    • 戶外 / 室內
    • 同邊個去?
  • 港島
    九龍
    新界
    離島
    其他
    • 港島
    • 九龍
    • 新界
    • 離島
    • 其他
精選
郊遊
休閒
Cafe
美食
攝影
玩樂
工作坊
活動
室內
拍拖
文青
親子
深圳
澳門
旅遊

花道葡萄牙餐廳.澳門遊

(15 票)
花道葡萄牙餐廳

花道葡萄牙餐廳.澳門抵食正宗葡菜午餐

【澳門好去處】【澳門美食】 花道葡萄牙餐廳(花道)FADO位於澳門算是「老牌」的五星級酒店 - 皇都酒店 M字樓的葡國餐廳。花道葡萄牙餐廳曾經獲取不少國際獎項,由知名大廚主理,大部分食材更由葡國進口,客人可以在此一嚐正宗葡菜。 而且花道葡萄牙餐廳仍然有供應午市餐單,兩道菜色每位$128,三道菜色每位$158,好似我地人少少又想淺嚐葡菜的話可選午市套餐。而且花道的套餐不時轉換,每次去都會有新鮮感!





每次去澳門都會有意慾想安排食一餐葡菜,有名嘅試過,小店亦都試過,但過往經驗都唔太好,一係就餐廳食物質素一般,一係就價錢太貴,要數當中比較滿意嘅都係去年食嘅婆仔屋 Albergue 1601。 估唔到今次去嘅呢間花道葡葡牙餐廳都好有水準,特別咁貼地嘅價錢可以享受到美食、優質服務,可以一試。

今次MrMrsFoodHK今次就左花道FADO的三道菜午餐:

花道葡萄牙餐廳裝潢簡約,空間感足。我地被安排坐窗邊位置,自然光喺窗外透入,環境非常舒適。人多嘅話仲可以預訂房間,私隱度高。入座不久,客人都陸續開始多,所以即使係午市,都建議預約留位。
花道葡萄牙餐廳

菜單定時轉換,可以自行參考官網,睇睇啱唔啱胃口。我地選擇三道菜,收費為$158,包括餐茶。頭盤、主菜五選一,甜品則四選一。
花道葡萄牙餐廳

手工麵包盤

點菜後,店員會送上餐前小吃,主要係自家製麵包。以二人而言,份量相當豐富,印象中有四款,餐包微溫,配上牛油,差唔多係我獨力食哂。不過見網上照片,應該之前係配上橄欖油,可惜今次我未能試到。
花道葡萄牙餐廳




〔頭盤〕烤雞肉凱撒沙律

沙律份量比想像中多,烤雞肉都俾得大方,而且非常新鮮,如果沙律醬再多啲更好。男朋友對沙律要求幾高,但都大讚好食。
花道葡萄牙餐廳

〔頭盤〕磨菇菜心脆批

我點嘅頭盤係磨菇批,唔好睇少呢個批,我都以為小小一件,估唔到幾飽肚。批中有大量磨菇,菇汁全被鎖住;批皮焗至脆身,牛油味香;菜心只選嫩葉部分,焗過後仍然嫩到我差啲以為食緊菠菜,推薦呢個!
花道葡萄牙餐廳
花道葡萄牙餐廳

〔主菜〕八爪魚飯

葡菜經常以八爪魚作為食材,但花道葡萄牙餐廳這道八爪魚飯我只係第一次食。八爪魚飯雖然醬汁頗多,但食落唔會好滯,唯獨有少許偏鹹。份量適中,男士都剛好夠飽。八爪魚份量不少,腍身得黎仍保留嚼勁,鮮味突出。
花道葡萄牙餐廳

〔主菜〕脆嫩燒雞配薯片

我點嘅燒雞份量明顯輕少,但由於頭盤豐富,感覺都係足夠;但建議男士可揀飯或意粉。燒雞整體不過不失,肉質嫩,但唔夠滑,而且女仔食起上黎,唔係太方便。旁邊嘅薯片,炸得好脆口,但唔會好油膩。
花道葡萄牙餐廳
花道葡萄牙餐廳

〔甜品〕雪梨雪糕

大概都冇人會諗到,雪梨雪糕係呈莓紅色。個人認為比起稱為雪糕,呢兩球比較似係雪芭口感,賣相係好吸引,味道不俗,小清新,配合少量榖物,增添口感。
花道葡萄牙餐廳




〔甜品〕焦糖香草芭菲

花道葡萄牙餐廳這款焦糖香草芭菲的香草味唔濃,面頭嘅焦糖有點不足,布丁軟熟,甜度適中。
花道葡萄牙餐廳
花道葡萄牙餐廳

飲品方面選擇較少,都係咖啡、茶,而且只供應熱飲。

熱咖啡及熱檸茶

好好飲講唔上,正常水準,但呢套杯碟令我欣賞左好一會,非常迷你,好可愛。
花道葡萄牙餐廳
花道葡萄牙餐廳

總括而言,花道(FADO) 嘅午市套餐確係非常抵食!
特別一提,部分菜式會由廚師親自喺客人面前主理,喜歡欣賞大廚烹調過程嘅,可以點相關菜式。除左對食物有要求,用餐體驗都係重要一環,花道(FADO) 喺服務方面都有一定水平。

黎到澳門,想試正宗葡菜不妨考慮呢間喺皇都酒店內嘅花道葡萄牙餐廳。



最後修改於 8月14日,2017


立即 FOLLOW @GetReadyHongKong,緊貼全港郊遊玩樂、品味生活、人氣美食資訊!
Facebook @GetReadyHongKong
Instagram @GetReadyHongKong

  • 地址: 澳門東望洋得勝馬路2-4號皇都酒店M樓
  • 開放時間: 星期一至日: 11:30-14:30; 18:00-23:00
  • 電話號碼: +853 2855 2222
MrMrsFoodHK

Life is short; Enjoy it !
唔是食家 超唔專業 只係鐘意食
Eat || Travel || Share

Instagram: https://www.instagram.com/mr_mrs.food
Facebook: https://www.facebook.com/pg/mrmrsfoodhk 
Blog: https://www.pixnet.net/blog/profile/ywycarol



花道葡萄牙餐廳.澳門遊
交通、位置、地圖及鄰近好去處


* 閣下與本網站內的廣告商之間的通信或交易,或閣下就廣告商推銷的參與,純屬閣下與該廣告商之間的事宜,而廣告及推廣優惠請參照廣告商最新資訊,對於因任何此等交易或由於廣告在本網站內的出現而引致的任何損失或損害,我們慨不會負法律責任或負責。