• 主題
    戶外 / 室內
    同邊個去?
    • 主題
    • 戶外 / 室內
    • 同邊個去?
  • 港島
    九龍
    新界
    離島
    其他
    • 港島
    • 九龍
    • 新界
    • 離島
    • 其他
精選
郊遊
休閒
Cafe
美食
攝影
玩樂
工作坊
活動
室內
拍拖
文青
親子
深圳
澳門
旅遊

后宮.澳門任飲任食燒烤火鍋店

(20 票)
后宮.澳門任飲任食燒烤火鍋店

后宮.澳門任飲任食燒烤火鍋店

【澳門好去處】【澳門美食】 后宮位於澳門關閘區,是一間以宮廷為主題的任食燒烤、火鍋店。后宮內外均以古代宮廷的裝潢作參考,提供三款燒烤、火鍋套餐,加上一流服務,所以一直廣受澳門本地人及香港人歡迎。曾經有一段時間流行宮廷劇,或者「后宮」也因此而命名,單是店名已經充滿想像空間。因為古色古香的華麗裝潢,后宮即使位於毫不起眼的橫巷都不難找。





今次MrMrsFoodHK就在試了后宮的皇后套餐:

上一次黎澳門玩嘅時候,喺網上搵左唔少餐廳、食店想要一試。奈何只有兩日一夜,當時晚餐揀左贏到粥,於是就冇空間再食后宮!
今次再過黎,決定點都試下,並且預早幾日時間打電話預約。週五晚上客人真係蠻多,唔預約嘅話,相信比較難安排到位置。店內裝潢貫徹中國風,用上燈籠、屏風、木椅、木枱等。
后宮燒烤火鍋店

后宮任飲任食套餐

餐牌配合宮廷風,分三款套餐 ($148/$188/$248),一律任飲任食,限兩小時,客人只需要選擇食宮女、貴妃,抑或食皇后,當然價錢不同,食物亦有所不同。
后宮燒烤火鍋店 后宮燒烤火鍋店

以下會為你稍作介紹,套餐名字,宮女 ($148)、貴妃 ($188)、皇后 ($248) 基本上已經反映級別。
餐牌食物一樣,分別係有冇格仔,三個格仔係任點,一個格仔係限點一次,按人頭數出,所以你唔需要填寫份量。

宮女式任食 $148+10%服務費

基本上比起另外兩個套餐,缺少左霜降牛、牛肋骨、黑豚肉、羊扒、海鮮、烤年糕,其餘食物係相同。
所以如果你係對以上食物冇興趣的話,點呢個套餐好划算,因為選擇其實唔少。
(三個格仔係任點,一個格仔係限點一次,按人頭數出)
后宮燒烤火鍋店

貴妃式任食 $188+10%服務費

「貴妃」比起「宮女」相差$40,分別在於霜降牛、牛肋骨、黑豚肉、羊扒、海鮮、烤年糕,可以點一次,按人頭數出。
我認為點呢個餐最划算,一開頭當然會覺得海鮮只可以點一次唔夠,但食食下會覺得足夠有餘,畢竟餐牌仲有好多種食物可以點。
后宮燒烤火鍋店

皇后式任食 $248+10%服務費

最貴係「皇后」,餐牌見到嘅都可以點,包括肉類、海鮮、鍋物。
(三個格仔係任點,一個格仔係限點一次,按人頭數出)
后宮燒烤火鍋店

一般食放題都會高估自己嘅能耐,簡稱眼闊肚窄,我地一睇餐牌,就理所當然揀后宮最貴嘅「皇后」套餐。我地自問唔係細食人士,但只係點左兩輪,已經食唔落喇… 所以我估計大部分人點貴妃餐,已經好充分,除非你旨在食海鮮。
近樓梯位置有多款調料選擇,醬油、烤肉醬、椒鹽、辣椒、姜蓉,應有盡有。
后宮燒烤火鍋店 后宮燒烤火鍋店

燒烤、火鍋同一時間進行,所以除左揀餐,仲需要揀湯底,湯底另外收費,有麻辣雞鍋、蕃茄鍋、蒜香蛤蜊鍋等,$10-$20,價錢合理。我地揀嘅係蒜蓉蛤蜊鍋
后宮的燒烤爐位置附上焗爐紙,幾衛生,一來客人可以避免食物容易燒焦,二來冇咁油膩,不過最重要係無需更換爐底,換焗爐紙就可以喇(店員會主動幫忙換)。
后宮.澳門任飲任食燒烤火鍋店




后宮第一輪上菜速度快,第二輪稍緩,唔想等嘅話,可以食到差唔多就落單。肉類方面,個人非常推介霜降牛、牛肋骨、黑豚肉、雞軟骨。海鮮方面,虎蝦、鮑魚、牛油扇貝都係必食!店內燈光偏黃,採光有難度,所以照片質素一般,但都睇得出非常豐富。
后宮.澳門任飲任食燒烤火鍋店

肉類:醬燒霜降牛、醬燒牛肋骨、蔥香牛舌、醬燒黑豚肉
牛肉腍身,肥脂分佈平均,輕輕燒過經食得!
后宮.澳門任飲任食燒烤火鍋店

海鮮:去殼貴妃虎蝦、花開寶貴鮑、愛爾蘭蟶子王
推介虎蝦鮑魚!兩樣都已經去殼、離殼,方便食用,呢點我好喜歡,唔怕整污糟手!
而且非常新鮮,肉質彈牙,以燒汁調味,完全唔腥!
相對的蟶子有點遜色,燒調味不足,燒完有少許乾。
后宮.澳門任飲任食燒烤火鍋店

特選蒜香雞軟骨、醬燒左腿肉、牛油扇貝、麻辣奶油蝦
麻辣奶油蝦夠惹味,店員提議拎出黎燒會快熟過放喺盤中燒,但我地更喜歡連盤燒,因為蝦肉更入味!
雪花醬燒松板豬較肥膩,燒起上來油份較多。
后宮.澳門任飲任食燒烤火鍋店 后宮.澳門任飲任食燒烤火鍋店

醬燒香菇、牛油金針菇、煉奶花生烤烤年糕、encore嘅麻辣奶油蝦
烤年糕好好食啊,年糕表面燒到微脆,裡面保持柔軟煙韌!可惜我太飽,冇能力追加!
后宮.澳門任飲任食燒烤火鍋店




鍋物選擇好多,但我地掛住燒烤,所以唔係食左好多。
由於我係蜆怪,瘋狂食蛤蜊,唔知食左幾多斤!蛤蜊鮮甜,完全冇沙,配蒜蓉鍋一流,自製卜卜蜆鍋!
后宮.澳門任飲任食燒烤火鍋店 后宮.澳門任飲任食燒烤火鍋店

飲品自取,樽裝可樂、雪碧、檸檬茶、菊花茶、百事、涼茶等。
后宮.澳門任飲任食燒烤火鍋店

后宮食物選擇多,質素整體好有水準,定價適中,可以一次過食到燒烤、火鍋,好適合我呢類花心吃貨,性價比算高!一大班朋友去的話,可以試到嘅款式更多!店員服務好好,幾位都好細心留意客人需要,主動換焗爐紙、收拾碗碟,見我有蛤蜊殼亦都醒目遞上小碟。

大吃兩小時後,我地都捧住個肚離開!



最後修改於 3月5日,2017


立即 FOLLOW @GetReadyHongKong,緊貼全港郊遊玩樂、品味生活、人氣美食資訊!
Facebook @
GetReadyHongKong
Instagram @GetReadyHongKong

  • 地址: 澳門長壽大馬路515號新寶花園H鋪
  • 開放時間:
    后宮燒烤火鍋營業時間
    星期一至六:晚上6:00 至凌晨 3:00
    星期日:晚上6:00 至凌晨 0:00
  • 電話號碼: +853 2842 5950
MrMrsFoodHK

Life is short; Enjoy it !
唔是食家 超唔專業 只係鐘意食
Eat || Travel || Share

Instagram: https://www.instagram.com/mr_mrs.food
Facebook: https://www.facebook.com/pg/mrmrsfoodhk 
Blog: https://www.pixnet.net/blog/profile/ywycarol



后宮.澳門任飲任食燒烤火鍋店
交通、位置、地圖及鄰近好去處


* 閣下與本網站內的廣告商之間的通信或交易,或閣下就廣告商推銷的參與,純屬閣下與該廣告商之間的事宜,而廣告及推廣優惠請參照廣告商最新資訊,對於因任何此等交易或由於廣告在本網站內的出現而引致的任何損失或損害,我們慨不會負法律責任或負責。