• 主題
    戶外 / 室內
    同邊個去?
    • 主題
    • 戶外 / 室內
    • 同邊個去?
  • 港島
    九龍
    新界
    離島
    其他
    • 港島
    • 九龍
    • 新界
    • 離島
    • 其他
精選
活動
行山
休閒
Cafe
美食
攝影
玩樂
工作坊
室內
拍拖
文青
親子
深圳
澳門
旅遊
全壘打.創意日式料理

全壘打.深圳創意日式料理

(4 票)
深圳好去處】【深圳美食】 全壘打Home Run是位於深圳的創意日式料理,其中以造型趣至的波波壽司最具人氣。全壘打的裝潢以棒球為主題,供應蓋飯、灼飯、炙燒波波壽司、手卷、卷物、沙律等日式料理,人氣十足!近深圳灣口岸的南山區發展成熟,單單海岸城都已經佔地很大,除有Line Friends Cafe & Store,周邊連接幾個商埸,有戲院、唱K應有盡有,輕鬆消磨一日就最適合不過。





深圳灣口岸的南山區一帶食肆臨立,有小店,有連鎖食店,消費彈性大,十幾蚊食碗地道粉麵又得,幾百蚊食西餐、日本菜亦得,豐儉由人。由深圳灣口岸過關,非常方便,坐M299號巴士可以直達海岸城站或坐地鐵到后海站也可。

MrMrsFoodhk今次就試咗全壘打以下幾款菜式:

全壘打.創意日式料理

全壘打初期開業人氣十足,聽聞經常大排長龍,都屬於網紅店。而家熱潮稍退,但因為鋪面唔大,不足二十個位,平日過左午飯時間,人流會較少。店內裝潢簡單,以國內食店而言,乾淨企理。至於所謂嘅棒球為主題,只係見到寥寥可數嘅棒球喺椅背後及作為吊飾。

全壘打.創意日式料理
全壘打.創意日式料理
全壘打.創意日式料理
全壘打.創意日式料理




入座後店員好快就送上熱茶,所用係玫瑰茶,收取茶位費RMB¥3/位。

全壘打.創意日式料理

全壘打餐牌選擇唔算好多,主要供應蓋飯、灼飯、炙燒波波壽司、手卷、卷物、沙律等,定價唔算好貴。

蓋飯所指為魚生飯,可以自選食材,全壘打的刺身約二十款由RMB¥9- ¥59不等,例如三文魚刺身RMB¥18/2片、甜蝦RMB¥29/8隻,其實同香港嘅平價刺身飯差唔多價錢。

不過喺國內好流行團購,小店都有參與供應優惠,如果啱食不妨買團購券,價錢會平啲。但我地唔打算食好多款,所以只係單點。

鴨胸沙律 RMB¥22

全壘打這款沙律菜新鮮,混有麻醬,鴨胸共五小片,食落唔鞋唔老,略嫌少鹹。

全壘打.創意日式料理

卧虎藏龍蓋飯 配熟蛋、原味芝士汁RMB¥69

灼飯相信係小店招牌,配料有生有熟,例如三文魚、海膽等刺身飯、雞扒、鴨胸蓋飯。但做法係先點款式,選擇所需醬汁,最後由店員即場以火槍炙燒,喺香港就真係冇食過呢種飯……

我地揀嘅係【卧虎藏龍蓋飯】,配料有三文魚、八爪魚、金槍魚、帆立貝、熟蝦、蟹柳,雞蛋可選溫泉蛋或熟蛋,我地選擇後者。

醬汁方面,共有六款,分別有綠茶芝士汁、原味芝士汁、黑椒汁、榴槤芝士汁、照燒汁、明太子醬,部分頗為特別,但我就唔係太敢嘗試。當然啦,並唔係每款灼飯都適合配個別醬汁,所以店家喺餐牌都有列明。

全壘打.創意日式料理
全壘打.創意日式料理




原味芝士汁份量頗多,店員熟手完成炙燒過程,老實講,灼飯嘅賣相認真一般,配料一律埋喺醬汁之下,幸好味道都可以。用火槍燒過嘅芝士味道都幾香,標示用上意大利芝士、淡奶油製成,質地較稀身,唔會有拉絲效果,所以獨自食一份都唔會太膩。

配料由於燒過,加上大量芝士,基本上已經失去各自本身嘅鮮味,其實就同平時食火炙壽司飯一樣,質素中規中矩。

全壘打.創意日式料理

豪華升級版波波壽司拼盤 RMB¥69/9球

呢份就係我地喺網上睇到圖片後,決定要黎小店一試嘅菜式,當然啦實物係預料之內冇圖片咁靚。其實味道真係冇乜特別,純造型取勝。單點壽司都係波波型,不過我地想試到唔同款式,只好點個拼盤。

壽司飯已預先混入蟹籽,不過份量唔多,無助口感。一共九球,有三文魚、鰻魚、蟹籽魚籽、北寄貝、牛油果等,同灼飯做法一樣,波波壽司面頭平均唧上芝士,店員會即場炙燒,淨係呢個過程都幾夠創意。基本上刺身太薄身,炙燒過後冇甚麼鮮味可言,壽司做成一口份量,女士輕鬆食,不知不覺食左九件。

全壘打.創意日式料理
全壘打.創意日式料理
全壘打.創意日式料理
全壘打.創意日式料理
全壘打.創意日式料理

雖然餐廳嘅食物無驚無喜,不過不失,但相信大家都唔反對,相機食先係一流,貪得意嘅朋友可以一試。其實店面唔大,但店員頗多,招呼都做得好足,加上冇收取服務費,依然係一次愉快嘅用餐體驗。



最後修改於 8月14日,2017




立即 FOLLOW @GetReadyHongKong,緊貼全港郊遊玩樂、品味生活、人氣美食資訊!
Facebook @GetReadyHongKong
Instagram @GetReadyHongKong
廣告查詢:Advertising @ GetReadyHK.com
傳媒聯絡:Press @ GetReadyHK.com


全壘打.深圳創意日式料理
查看地圖
  • 地址: 深圳文心五路保利文化廣場2樓
  • 電話號碼: +86 0755-86540382

Life is short; Enjoy it !
唔是食家 超唔專業 只係鐘意食
Eat || Travel || Share

Instagram: https://www.instagram.com/mr_mrs.food
Facebook: https://www.facebook.com/pg/mrmrsfoodhk 
Blog: https://www.pixnet.net/blog/profile/ywycarol



相關文章
深圳喜茶

深圳喜茶.超級網紅飲品店

喜茶,在國內無人不曉的名字,說的是一間網紅飲品店,喜茶過百間分店遍佈深圳、上海、廣州、中山等地。深圳喜茶曾經掀起一陣排隊熱潮,曾經見過有人為一杯飲品排隊三、四個小時,甚至出現炒茶潮。茶紅事非多,網上亦有流傳過飲品店花錢請人排隊製造人龍的報導,店家例牌否認。根據店內告示,喜茶一開始用過「皇茶」呢個名字,後來因為無法注冊商標而放棄,統一改名為「喜茶」。近近地深圳喜茶在已有四十多間分店,到深圳玩的話不妨一試。
奈雪の茶 深圳

奈雪の茶.深圳遊

奈雪の茶是國內一眾不同茶飲品牌中比較成功的一個,旗下仲有喜年貢茶、台蓋等品牌。奈雪の茶希望傳遞「一杯好茶,一口軟歐包」的概念,除供應飲品,仲自設餅房新鮮製作軟歐包,非常受歡迎。奈雪の茶創辦人希望顧客除了記得品牌的茶外,亦要記住它們出品的麵包,因此將兩款產品都做得好有質素。假如你係「麵包控」,去到深圳不妨找一間奈雪の茶,現時已有超過二十間分店!