捷克菜餐廳 Staromestska

捷克菜餐廳 Staromestska.布拉格自由行

(4 票)
【布拉格旅遊】 Staromestska餐廳是在布拉格廣場的一間捷克菜餐廳。Staromestska位置雖然座落於布拉格廣場的旅客熱門區,但收費便宜,絕對可以用抵食來形容!

坐了七個鐘火車到達布拉格,當然要擦餐勁補充返。在布拉格廣場上有好多露天cafe,時間是下午5、6點左右,多數人都飲緊嘢,但我地就諗住食晚飯,見到有間旅遊書有介紹的,就去望下個menu,即刻有個熱情侍應伯伯用捷克文同我地介紹。原來佢地放出來嗰個menu上的價錢,是適用於室內的,如果要坐廣場露天坐位,價錢貴啲,個侍應話貴50%(唔知真定假呢)。唔洗諗,我地緊係坐室內啦!

捷克菜餐廳 Staromestska 捷克菜餐廳 Staromestska

這間餐廳叫Staromestska,吃捷克菜的,一坐低就有個識講英文嘅侍應,向我地推介著名捷克菜,好奇怪,枱上竟然挾住呢個侍應幅相,寫住"Your Waiter",估計他是餐廳內唯一識講英文的侍應,如果遊客要人serve就要搵佢,唔怪得其他侍應完全無理過我地啦。




捷克菜推介

Pork knee:有分1/2或1/4份量,我地叫1/4隻都好大隻,肉質鬆化
Roast duck:肉好嫩,好入味,但鹹左少少,所以配蒸麵包,比你夾住食,好似食北京填鴨咁
Beef:「團友」話好味,配薯仔
兩個人叫了三樣嘢加兩杯啤酒,份量比想像中多,而且都係濃味嘅肉,主菜前,仲有湯同麵包,湯是個酸酸地有隻半熟蛋喺入面的湯,很好味,加上每碟主菜都有大量酸菜做side dish,所以真係飽到上心口。 捷克菜餐廳 Staromestska
捷克菜餐廳 Staromestska 捷克菜餐廳 Staromestska




捷克菜餐廳 Staromestska 捷克菜餐廳 Staromestska

食咁多嘢(差不多三人份量),加埋兩杯啤酒同service charge,都只係850克朗,即200多元港幣,如果其他歐洲大城市,呢個份量,分分鐘成千蚊,捷克食嘢真係超平。

講返個侍應,佢唔只識講英文,而且服務仲好好。隔離枱有6個遊客婆婆,佢地埋單時,侍應幫佢地6個人續個分單計,搞左足足15分鐘,抵贊!

最後修改於 11月19日,2018
捷克菜餐廳 Staromestska.布拉格自由行
查看地圖
  • 旅遊景點: Staromestska
  • 地區: 舊城區
  • 地址: Staromestske namesti 549/19, Prague 110 00, Czech

一返工就想放假
  一放假就想去旅行
     誓要尋找各大小旅遊樂土



相關文章
布拉格廣場

布拉格廣場.布拉格自由行

布拉格廣場 (舊城廣場 Old Town Square)絕對是最能代表布拉格的地方。寬闊的布拉格廣場是舊城區的中心,被四周圍各式優美的中古建築物所包圍。布拉格廣場昔日正是市民眾集結的場所,舊市政廳、鐘樓、教堂及市場均在此地。來到布拉格最寫意莫過於在廣場旁的餐廳、cafe的露天茶座用餐,欣賞這裏的美麗風景。
布拉格舊市政廳.天文鐘

布拉格舊市政廳.天文鐘.布拉格自由行

布拉格舊市政廳是捷克布拉格舊城區廣場上的地標建築。雖然布拉格舊市政廳在二次大戰後只剩下南側這一面的建築物,但依然無損世界各地旅客來訪舊市政廳的興致,因為在舊市政廳大樓可眺望布拉格廣場及大大小小的布拉格紅磚屋頂的風采!當然還有一座極具特色的中世紀天文鐘,一到整點便引來各方旅客觀賞其精妙的「機關」。