和牛燒肉‧純．物有所值的高級烤肉

11月9日,2023
作者 MrMrsFoodHK
發佈於人氣食店

(9 票)

【特色餐廳】【銅鑼灣美食】【尖沙咀美食】和牛燒肉純的牛都經日本屠宰後送到香港，肉質有保證。而且和牛燒肉純午市比晚市都抵食，用一半價錢食到靚牛，不妨一試。

更多最新「人氣食店」文章： » 夏銘記．老字號世一手打魚蛋｜佐敦美食 » 2024深水埗必食．吃得精才是王道｜5大深水埗必吃美食！ » Tartes & Pop．精緻法式撻｜上環美食 » 鮨燐．傳統關東江戶前Omakase｜上環Omakase » Samsen 泰館．上環人氣米芝蓮泰國菜｜上環美食

和牛燒肉純餐廳位置多，而且大部分為卡位，另外「房間」，以敞門相隔，私隱度高，坐得舒適。和牛燒肉純。環境比好多日式燒肉店舒適，至少唔洗一邊食飯一邊聽人地對話。
和牛燒肉‧純

和牛燒肉純午市供應多款套餐定食，有和牛各部位、例如牛排肉、牛肉眼、牛胸腹，亦有豬五花肉、豬肉眼、雞肉，唔想燒肉有壽喜燒、鐵板上、涮涮鍋、石頭飯、刺身飯、壽司。除二人套餐，其餘定價$98-380，定食附沙律、前菜、日本米白飯、湯、咖啡或紅茶。

沙律

特選五色和牛定食

五色和牛定食分別有上牛排肉、肩眼肉、牛排肉、特選三角牛排肉、特選牛排肉，份量很足，非常飽肚。
和牛燒肉‧純

牛排肉雪花細密，肉質柔軟嫩滑，脂肪唔多，油膩感低，個人非常喜歡。兩款特選牛排肉絕對係亮點，雖然和牛肉比美國牛牛味冇咁重，但其獨有嘅嫩腍口感，油花四溢。入口鬆軟，肉汁豐富到不得了，真係只有和牛先做到。

豪華燒肉二人餐

二人餐亦很划算，鐘意食海鮮可以點呢份。包括前菜、沙律、特選和牛牛排肉、和牛上牛排肉、和牛壺漬牛排、日本產雞腿肉、大蝦、魷魚、帶子。

和牛燒肉‧純的和牛每片都切割得頗為厚身，滋味無窮，附上嘅燒汁唔會太鹹，沾上亦不擋和牛本身嘅味道，但個人更喜歡加少少鹽去調味。肉類新鮮，只需要略加鹽份已經好突出。而且佢地嘅燒網唔錯，火力唔會太太，不易痴底同烤濃肉。
和牛燒肉‧純

壹漬牛排有三大片，牛味香濃，較為瘦身，同牛排肉當然冇得比。
和牛燒肉‧純

大蝦唔講得笑好大隻，已開邊，蝦殼薄身，輕輕烤好，食落又爽又脆。
和牛燒肉‧純

魷魚同帶子正常水準，雞腿肉喺和牛面前變得渺小，冇辦法啦，哈哈。
和牛燒肉‧純

日本米飯、湯

最後修改於 4月1日,2024

立即 FOLLOW @GetReadyHongKong，緊貼全港郊遊玩樂、品味生活、人氣美食資訊！
Facebook @GetReadyHongKong
Instagram @GetReadyHongKong
廣告查詢：Advertising @ GetReadyHK.com
傳媒聯絡：Press @ GetReadyHK.com

和牛燒肉‧純．物有所值的高級烤肉

查看地圖

地址: 銅鑼灣恩平道42號亨利中心7樓
開放時間:
和牛燒肉‧純銅鑼灣
銅鑼灣恩平道42號亨利集團中心7樓
星期一至日 12:00至15:00 18:00至23:00

和牛燒肉‧純尖沙咀
尖沙咀東部加連威老道96號希爾頓大廈1樓3號舖
星期一至日 12:00 - 15:00 18:00 - 22:00
交通資訊: 銅鑼灣店：銅鑼灣站 F1 出口
尖沙咀店：尖沙咀或尖東站 P1 出口, 步行數分鐘
電話號碼: 銅鑼灣店：28070103 ／尖沙咀店：2723 3868 / 5228 4052