Shaz Confections．身邊總有一個甜品控（已搬遷）

8月6日,2020
作者 MrMrsFoodHK
發佈於人氣食店

(5 票)

【Cafe】【特色餐廳】【西環美食】【尖沙咀美食】【西環好去處】身邊總有幾個朋友，無論正餐食到幾飽，都希望食埋一個有水準的甜品作結。最近千層蛋糕都稱得上為甜品中的大熱，大大小小甜品店、餐廳、網店都推出千層蛋糕。Shaz Confections選址西營盤，供應多款口味千層蛋糕，而且Shaz Confections仲有每月限定款式，最適合一班貪新鮮的吃貨！

更多最新「人氣食店」文章： » 五武士．K11高質日本餐廳＋武士主題＋維港靚景 » N.28 Teppanyaki．尖沙咀高質抵食鐵板燒 » AMIS．法日Fine Dining慶祝餐廳推介 » 讚好台灣．糧尾必吃$34台式套餐 » PONDSIDE．金鐘隱世湖畔純白小屋

Shaz Confections小店嘅位置一啲都唔小，門面亮眼，透過大玻璃可以望到店內環境，簡潔企理，一邊有幾張枱櫈供客人堂食，一邊係陳列多款千層嘅凍櫃、沖咖啡嘅位置，隱約見到廚房，感覺都有點規模，唔講仲以為Shaz Confections係連鎖店。
Shaz Confections 西營盤

Shaz Confections餐牌除左供應千層蛋糕，仲有少量輕食，例如牛角包、鬆餅等，不過當日我地就已經食過正餐，未有試到熱食，有機會再黎。千層蛋糕定價 $58/件，一共六款固定口味，分別係斑蘭椰子、玫瑰荔枝、抹茶、海鹽、焦糖、紅莓，10月份仲有限定嘅港式奶茶口味，想試嘅記得呢個月去喇。
Shaz Confections 西營盤

斑蘭椰子千層蛋糕 $58

喺坊間未有食過呢隻味道，而且見過之前有朋友分享過照片，淡淡綠色嘅蛋糕賣相好靚，所以一直最期待呢款斑蘭千層。 Shaz Confections嘅千層一共16層，餅皮薄身，厚薄平均，以忌廉相隔，最底一層蛋糕，清楚見到層次。斑蘭嘅味道突出，加有椰漿，不甜不膩，忌廉層亦做得軟滑，份量唔多，即使食兩件都冇問題。
Shaz Confections 西營盤

玫瑰荔枝千層蛋糕 $58

Shaz Confections這款玫瑰荔枝千層呈粉紅色，面頭唧上忌廉花，同樣吸睛。離遠都聞到玫瑰味，食落唔假，搭配淡淡荔枝，都幾清新，裡面仲有少量果肉，口感冇咁單調。玫瑰始終強勢，顯得荔枝味較低調。相對斑蘭口味，甜度稍高，但仍可接受。
Shaz Confections 西營盤

港式奶茶千層蛋糕 $58

Shaz Confections10月份嘅限定口味，我地兩個都覺得呢款好特別，食千層蛋糕除左餅薄忌廉滑，仲要對味，一食就知道係咩味。奶茶味都幾明顯，容易入口，比較接近係台式奶茶，奶比例重啲，但整體幾有驚喜，令我更加期待之後推出嘅口味。
Shaz Confections 西營盤

抹茶拿鐵 $48

Shaz Confections餐牌

西環對於我地新界西而言，其實路途頗遠，但自從有鐵路站後，都比以前方便得多。呢排亦有唔少有質素嘅食店進駐，早午晚三餐連埋甜品一次過喺西環解決都冇問題呢！

最後修改於 10月6日,2022

立即 FOLLOW @GetReadyHongKong，緊貼全港郊遊玩樂、品味生活、人氣美食資訊！
Facebook @GetReadyHongKong
Instagram @GetReadyHongKong
廣告查詢：Advertising @ GetReadyHK.com
傳媒聯絡：Press @ GetReadyHK.com

Shaz Confections．身邊總有一個甜品控（已搬遷）

查看地圖

地址: 西營盤第一街21號
開放時間: Shaz Confections 西營盤
星期一至日 : 10:00 - 19:00

Shaz Confections 尖沙咀
尖沙咀河內道18號K11購物藝術館地下G17B號舖
星期一至日 : 10:00 - 21:30
電話號碼: 5596 5956
網址: Shaz Confections Facebook