氷川菓屋．季節限定山梨白桃刨冰（已結業）

9月23日,2017
作者 MrMrsFoodHK
發佈於人氣食店

(2 票)

【特色餐廳】【尖沙咀美食】氷川菓屋位於尖沙咀山林道，是最近新開的甜品店。山梨縣被譽為日本水蜜桃之鄉，而氷川菓屋正是主打山梨白桃配水蜜桃茶沙冰，9月份仲推出埋多款水果冰品，其中白桃刨冰更成為氷川菓屋的人氣之選！不過白桃成熟期就快完，想試的話就要抓緊白桃的「尾巴」一試喇！氷川菓屋當然仲有其他多款口味刨冰選擇。

更多最新「人氣食店」文章： » Tartes & Pop．精緻法式撻｜上環美食 » 2024深水埗必食．吃得精才是王道｜5大深水埗必吃美食！ » 鮨燐．傳統關東江戶前Omakase｜上環Omakase » Samsen 泰館．上環人氣米芝蓮泰國菜｜上環美食 » Sick Burger．銅鑼灣漢堡新勢力

MrMrsFoodHK今次就試左當中三款刨冰，而氷川菓屋的上一手都係我最常去嘅雪糕店之一，去過嘅大概都知道格局係點，大致相同，店內只有四個面壁位，加埋門外一個小層架，可以容納嘅人唔多。不過唔想等位的話，氷川菓屋嘅刨冰、飲品可供外賣。

氷川菓屋餐牌供應水果沙冰、抹茶焙茶等飲品，價錢唔貴。仲有6款刨冰，機器由日本購入，刨冰都選用北海道地下天然水製成，分別有黃豆粉、草莓、熱情果、藍莓、山梨白桃、熱情果+白桃口味，最平嘅黑蜜黃豆粉口味38蚊就食到，其餘定價$48-$78。

山梨白桃刨冰$68(季節限定)

氷川菓屋刨冰嘅實物比想像中細啲，幸好白桃嘅份量都大方。冰嘅質地唔算話好細滑，偶然會食到碎冰塊。溶嘅速度都幾快，食緊上面，碗仔已經溶成桃水。面頭加左桃汁，所以一路食都會有桃味。白桃熟透，真係好香甜，味道天然食到中間會見到隱藏的水信玄餅，雖然味道較清淡，都算係小驚喜。

氷川菓屋

草莓煉奶刨冰$48（外賣）

二訪我地揀左草莓味，面頭嘅草莓輕微發黑，感覺係開始熟到爛爛地。忌廉上灑有花生碎加添口感，小驚喜係裡面隱藏一舊草莓奶凍。
刨冰充滿煉奶，所以呢款甜度頗高，冇白桃嘅咁自然。冰依然唔算打得好碎，但感覺已經比我食白桃細緻一點。
圍邊嘅係切片士多啤梨，冇乜特別，整體以煉奶同草莓醬味道為主。
雖然呢款價錢平啲，但有比較下，都係覺得白桃比較值得食，因為買一個靚白桃，價錢都唔平呢。

藍莓乳酪刨冰$58

坊間比較少見藍莓刨冰，所以三訪都試埋。今次堂食提供鐵匙，唔知係咪心理作用，入口好似比膠匙清涼，又環保啲呢。氷川菓屋藍莓刨冰嘅賣相依然好靚，頂部有幾粒藍莓，淋上藍莓醬，食到中間會有一件藍莓奶凍，口感上冇以上兩款咁豐富。藍莓普通，食落較酸；醬嘅質地唔夠濃稠，不足以撐起成個冰，食到尾變相較淡。

講到刨冰，少不免跟銅鑼灣嘅氷屋比較。氷川菓屋刨冰入口冇咁綿滑，份量係一半，但以價錢取勝。而且氷川菓屋主要針對水果推出各款口味刨冰，走嘅路線唔同，期待之後嘅其他水果配搭啊！

最後修改於 10月4日,2020

立即 FOLLOW @GetReadyHongKong，緊貼全港郊遊玩樂、品味生活、人氣美食資訊！
Facebook @GetReadyHongKong
Instagram @GetReadyHongKong
廣告查詢：Advertising @ GetReadyHK.com
傳媒聯絡：Press @ GetReadyHK.com

氷川菓屋．季節限定山梨白桃刨冰（已結業）

查看地圖

地址: 尖沙咀山林道10-12號山林閣地下2C號舖
開放時間: 星期日至四11:30 -23:00
星期五至六11:30 - 23:30
交通資訊: 港鐵佐敦站 D 出口, 步行約3分鐘
電話號碼: 53133302
網址: 氷川菓屋 Facebook Page

氷川菓屋．季節限定山梨白桃刨冰（已結業）

山梨白桃刨冰$68(季節限定)

草莓煉奶刨冰$48（外賣）

藍莓乳酪刨冰$58

MrMrsFoodHK

Springfields．中環法式小店（已結業）

葡匯咪走雞葡國餐廳．葡裔大廚主理（已搬遷）