GetReady
列印此頁
深圳喜茶

深圳喜茶.超級網紅飲品店

(24 票)
深圳好去處】 喜茶,在國內無人不曉的名字,說的是一間網紅飲品店,喜茶過百間分店遍佈深圳、上海、廣州、中山等地。深圳喜茶曾經掀起一陣排隊熱潮,曾經見過有人為一杯飲品排隊三、四個小時,甚至出現炒茶潮。茶紅事非多,網上亦有流傳過飲品店花錢請人排隊製造人龍的報導,店家例牌否認。根據店內告示,喜茶一開始用過「皇茶」呢個名字,後來因為無法注冊商標而放棄,統一改名為「喜茶」。近近地深圳喜茶在已有四十多間分店,到深圳玩的話不妨一試。





深圳喜茶

深圳喜茶南山區寶能分店正正喺地鐵2號線海月站B出口,位置方便但人流較少,變相等候時間唔會太長。呢間分店面積大,位置更多,以飲品店而言,香港地少租金貴,基本上唔可能有此規模。先排隊點單,牌子振動後取餐,前後十分鐘唔洗。供應茗茶、混合茶,可配芝士 / 低脂,另有純茶、奶茶、水果茶、拿鐵、咖啡等,定價RMB¥16-28。
深圳喜茶
深圳喜茶
深圳喜茶

深圳喜茶




桃桃 RMB¥28

「桃桃」屬季節限定款式 ,用上香桃,非常足料,桃香撲鼻,甜度較高。雖然價格比喺香港買杯飲品來得貴,但依然值得一試。

深圳喜茶

金鳳茶王 RMB¥22

杯蓋做成開合式,方便飲用,打開杯蓋已經好香芝士味,奶蓋佔三分一,口感綿密濃郁,但唔鹹,強調非奶蓋粉末做出,用嘅係新鮮芝士。

飲到中間,鼻哥聞到芝士香,但飲落口係茶味,層次豐富。
金鳳茶王係茗茶系列茶味最香濃出眾嘅,同芝士奶蓋配合得十分好。

深圳喜茶
深圳喜茶

除飲品之外,喜茶寶能分店仲供應兩款甜品 - 焦糕烤布蕾及樽裝巧克力布蕾。

焦糖烤布蕾 RMB¥9

即是焦糖布丁,焦糖層燒至脆口,蛋味濃郁。不過相機食先要快,因為焦糖會融化。

深圳喜茶
深圳喜茶

樽裝巧古力布蕾 RMB¥9

朱古力味道香濃,布丁口感較扎實,同一貫國內嘅甜品一樣,甜度較高。

深圳喜茶

深圳喜茶

另外我地亦都去過海岸城分店,位置較少,但仍有座位提供,裝潢清新。下晝時間店面人頭湧湧,都係排隊買飛、 等飲品嘅人。
不過店員手腳速度快,分工合作,最終大約等左二十分鐘,可以接受。




深圳喜茶
深圳喜茶

芝士桂花烏龍混合茶 RMB¥20

比起金鳳茶王,呢杯明顯茶味較弱,但桂花味清香,芝士奶蓋依然醇厚,味道不俗。

超級水果四季春 RMB¥25

鐘意食生果 (係食) 先好點呢杯,因為四季春水果份量多茶少,並 附上一枝叉仔可以食水果,裡面有百香果、西瓜、橙等, 全部冇打碎,切片沖茶 。
果茶味道以百香果最突出 ,飲落酸酸甜甜。

深圳喜茶

喜茶由裝潢設計、理念、包裝都走年輕路線,分店選址都係知名度高嘅大商場,明顯想同十元八塊嘅飲品店劃清界線,只可以講喜茶嘅營銷相當成功呢。

而我兩次去唔同深圳喜茶分店都係等左十多分鐘,係可接受範圍,而且同日我試左其他品牌嘅奶蓋飲品,確係喜茶更出色。
值唔值得排隊實在係見仁見智,畢竟大家對時間嘅價值定義不一。



最後修改於 6月1日,2019




立即 FOLLOW @GetReadyHongKong,緊貼全港郊遊玩樂、品味生活、人氣美食資訊!
Facebook @GetReadyHongKong
Instagram @GetReadyHongKong
廣告查詢:Advertising @ GetReadyHK.com
傳媒聯絡:Press @ GetReadyHK.com


Life is short; Enjoy it !
唔是食家 超唔專業 只係鐘意食
Eat || Travel || Share

Instagram: https://www.instagram.com/mr_mrs.food
Facebook: https://www.facebook.com/pg/mrmrsfoodhk 
Blog: https://www.pixnet.net/blog/profile/ywycarol



Copyright © 2013 - 2024 GetReadyHK.com. All Rights Reserved.